Davud Nəsib - Şair, Publisist, İctimai Xadim

Ata

Titrəyir əllərim, əsir bədənim,-
Mənə dodaqaltı nəsə deyirsən,
Ata, kədərlidir ürəyim mənim,
Sən isə həmişə gülümsəyirsən!...

Torpaq

Gəlin torpaq haqda danışmayaq çox,
Torpaq nə sənindir, nə də mənimdir.
Torpaq, sinəsində gəzənlərin yox,
Onu ürəyində gəzdirənindir.

Son nağıl, bəlkə də...

Elə ol, birinin əli yananda
Qapıma buyursun, üstünə dönsün.
Dostlar arasında sən olmayanda
Dostlar arasında yerin görünsün.

Azərbaycan

Səhərəm, səhərin sorağındayam,
Zəfərəm, zəfərin sorağındayam,
Mən Babək, Koroğlu oylağındayam,
Torpağı əzizdir Azərbaycanın.

Oyan Qardaş

Namərdlərə sinən qaya,-
Etdiklərin gəlməz saya.
Tək mənə yox, bir obaya
Həyan qardaş, həyan qardaş.

Əvvəl necə varam

Hələ nə qüssələn, hələ nə unut,
Dolma səhər-axşam sən bulud-bulud.
Demə, gənclik ötdü, dəyişib Davud,
Əvvəl necə varam, eləcəyəm mən.

KİTABLARI

DAVUD NƏSİB - HAQQINDA

Nəsibov Davud Məcid oğlu - şair, yazıçı, 1969-cu ildən Azərbaycan Yazıçılar Birliyinin üzvü olub, Azərbaycan komsomolu mükafatı laureatı (1984), Ümümittifaq komsomol mükafatı laureatı (1986).

1942-ci il avqustun 25-də Azərbaycan Respublikası Qazax şəhərində anadan olmuşdur. Qazax şəhər 2 nömrəli orta məktəbini bitirdikdən sonra, Azərbaycan Dövlət Universitetinin kitabxanaçılıq fakültəsində təhsilinin davam etdirmişdir (1959-1963).

Daha Ətraflı