24 avqust 2024-cü ildə M.P.Vaqif və M.V.Vidadinin Xatirə Muzeyində 25 avqust 1942-ci ildə Qazax rayonunda anadan olmuş şair, publisist, tərcüməçi Davud Məcid oğlu Nəsibovun doğum günü münasibətilə "Kül altda köz qalar" başlığı altında tədbir keçirilib.

Tədbirdə şair Bilal Qoca, Tamella Poladlı, 2 saylı Diyarşünaslıq klubunun müdürü Ərkinaz Əliyeva və əməkdaşı, Qazax rayon MKS-nin şəhər 2 saylı Kitabxana filialının əməkdaşları, Qazax Tarix Diyarşünaslıq muzeyinin əməkdaşları və 1 saylı Musiqi məktəbinin şagirdləri Abdıyev Yavər, Salmanov Yisif və Məmmədov Turan iştirak ediblər.

Tədbirdə ilk olaraq sözü Muzeyin direktoru Məhuzə Hüseynova açaraq tədbir iştirakçılarını salamlayıb və şairin "Torpaq" şeirini söyləyib.

Sonra muzeyin digər əməkdaşlar Şamama Qocayeva, Arzu Həsənova və şairlər və şairin şeirlərini söyləyiblər. Şagirdlər şairin şeirləri sazın ifasında səsləndiriblər.